დაავადებათა კონტროლის ცენტრის ხელმძღვანელი აცხადებს, რომ დღეს დიდი საფრთხის წინაშე ვართ, რადგან მრავლდება შიდა გადაცემის ფაქტები და ისეთიც, სპეციალისტები პირველწყაროზე რომ ვერ გადიან.

გამყრელიძე მოუწოდებს მოსახლეობას, რომ ეკლესიაში წასვლისგან თავი ეიკავონ და სახლში ილოცონ.

„დღეს მე უმორჩილესად ვთხოვ საქართველოს მოსახლეობას, ნუ წავალთ და ნუ შევიკრიბებით ეკლესიებში, ვილოცოთ სახლიდან, ჩვენზე ილოცებენ მამაოები, მღვდელმთავრები. რა თქმა უნდა იქნება ლიტურგია, მაგრამ ჩვენ ნუ მივიღებთ მონაწილეობას. არიან გამოუვლენელი, დაუდასტურებელი ვირუსის მატარებელი ადამიანები და მასიური თავშეყრის დროს, ინფექციის გავრცელებისა და დაინფიცირების რისკი მაღალია, უმორჩილესად ვთხოვ საქართველოს ეკლესიას, ყველაზე უფრო მაღალრეიტინგულ ინსტიტუციას ქვეყანაში, ჩვენს მღვდელმთავრებს, მოუწოდონ მოსახლეობას, რომ წლევანდელი აღდგომა სხვა ფორმატით ჩავატაროთ. ილოცებენ ისინი და დამერწმუნეთ, ღმერთი უფრო მოწყალე იქნება, თუ ჩვენი ბევრი ქართველი გადარჩება და გადაუირჩება ამ ინფექციას“ - განაცხადა ამირან გამყრელიძემ.