Amazon-ის დამფუძნებლის, ჯეფ ბეზოსის ქონება $24 მილიარდი დოლარით გაიზარდა მას შემდეგ, რაც კოროანვირუსის ფონზე ონლაინ ვაჭრობაზე მოთხოვნა მისი კომპანიის მიმართ განსაკუთრებით გაიზარდა უკანასკნელი თვეების განმავლობაში. ამის შესახებ ინფორმაციას ავრცელებს BBC.

ჯეფ ბეზოსის ქონება ამჟამად 138 მილიარდ დოლარს შეადგენს- იგი აღნიშნული მონაცემების საფუძველზე უმდიდრესი ადამიანია მსოფლიოში.

ყოველდღიურად განსაკუთრებით იზრდება სხავადსხვა საყოფაცხოვრებო, ტექნიკისა და სამოსის პროდუქციაზე მოთხოვნა ამაზონის ონლაინ მაღაზიაზე, სადაც მილიონობით პროდუქცია იყიდება. მოთხოვნის განსაკუთრებული ზრდის გამო კომპანიამ დამატებით ათასობით ადამიანი აიყვანა სამსახურში .

ამერიკულ მედიაში უკანასკნელ პერიოდში განსაკუთრებით აკრიტიკებენ AMAZON-ს, რომელშიც როგორც ჟურნალისტები აცხადებენ, არ იცავენ შესაბამისი სტანდარტების თანახმად უსაფრთხოების ზომებს კორონავირუსის წინააღმდეგ.

მიუხედავად ბეზოსის გამდიდრებისა, უმწვავესი მდგომარეობაა სხვა დიდ ბიზნეს-კომპანიებში, რომელთა მფლობელმა უმდიდრესმა ადამიანებმა კორონავირუსის გამო $ 553 მილიარდი დოლარი დაკარგეს- განსაკუთრებით მასშტაბურად შეინიშნება ნავთობ მაგნატთა ბიზნესების გაუფასურება, რისი მიზეზიც გლობალურ და ნავთობ ინდუსტრიაში მოთხოვნის შემცირება გახდა, რამაც ასეულობით მილიარდი დოლარით აზარალა ნავთობმომპოვებელი მსოფლიო კომპანიები.