ამ დროისთვის საქართველოში კორონავირუსით 16 სამედიცინო მუშაკია დაინფიცირებული - ამის შესახებ განცხადება დაავადებათა კონტროლის ცენტრის ხელმძღვანელმა, ამირან გამყრელიძემ გააკეთა.

"ეს ადამიანები რომ ინფიცირდებიან, ვეღარ მუშაობენ მერე 3-4 კვირა. ისედაც ვთქვათ ეს კადრი, რომელიც კრიტიკულად მნიშვნელოვანია, მხედველობაში მაქვს ინტენსიური თერაპიის, რეანიმაციის ექიმები, ისინი თუ ჩვენ ჩაგვიწვენ, მერე ვინ უნდა მოუაროს ამ ხალხს? ამიტომ რაც ნაკლები გადამდები იქნება ქვეყანაში და ინფექციის გამავრცელებელი, ჯანდაცვის სისტემა იქნება უფრო ძლიერი", - განაცხადა "რუსთავი 2"-თან გამყრელიძემ.