არსებობს მზარდი დამაჯერებლობა იმ ფაქტისა, რომ კორონავირუსი წარმოიქმნა უხანის ლაბორატორიაში არა როგორც ბიოიარაღი, არამედ როგორც ჩინეთის ძალისხმევა, მოეხდინათ ვირუსის იდენტიფიცირება და გამოეკვლიათ იგი იმაზე უკეთ, ვიდრე ამერიკის შეერთებული შტატების ლაბორატორიებში იკვლევენ სხვადასხვა სახის ვირუსებსა და დაავადებებს. ამის შესახებ ინფორმაციას FOX NEWS-ი ავრცელებს.

სტატიაში აღნიშნულია, რომ ერთ-ერთი წყაროს დაყრდნობით, არსებობს ინფორმაცია, რომ თავდაპირველი გადაცემა ვირუსისა მოხდა უხანის ლაბორატორიაში მომუშავე ადამიანზე ღამურიდან. აღნიშნული მოვლენის შემდეგ კი ინფიცირებული მედიცინის მუშაკმა, ე.წ-მა პაციენტმა ზერომ დაავადება მოსახლეობაში გაავრცელა.

FOX NEWS -ის თანახმად, აღნიშნული ფაქტები მაღალჩინოსანთა მიერ მოპოვებულია საიდუმლო და ღია წყაროების მეშვეობით.

ზემოხსენებულ საკითხზე აშშ-ის პრეზიდენტს, დონალდ ტრამპსაც დაუსვეს შეკითხვა FOX NEWS-ის ჟურნალისტებმა, რა დროსაც მან აღნიშნა : „ჩვენ უფრო და უფრო მეტ ინფორმაციას ვიგებთ ამ საკითხთან დაკავშირებით... ჩვენ ვაწარმოებთ გამოკვლევებს ამ საშინელ მდგომარეობასთან მიმართებით“.

ამერიკული მედიას ერთ-ერთი სამთავრობო წყარო უყვება საიდუმლო დოკუმენტების შესახებ, სადაც აღწერილია ექიმებისა და მედპერსონალის მცდელობა შეეკავებინათ ვირუსის გავრცელება უშუალოდ ლაბორატორიაში.

FOX NEWS-ი აცხადებს, რომ უხანის ბაზარში რომელიც დაავადების გავრცელების თავდაპირველ წყაროდ მიიჩნევა, არასოდეს გაყიდულა ღამურები. ერთ-ერთი სამთავრობო წყარო მედიას უყვება, რომ ვირუსის გავრცელებაში ცხოველების ბაზრობის დადანაშაულება იყო ჩინეთის კომუნისტური პარტიის ძალისხმევა, მოეხდინათ ყურადღების ეპიცენტრის გადატანა ლაბორატორიიდან.

სტატიაში აგრეთვე აღნიშნულია, რომ 2018 წლის იანვარში ამერიკის საელჩოს თანამშრომლები ჩინეთში საუბრობდნენ არაშესაბამის უსაფრთხოების ღონისძიებებზე უხანის ინსტიტუტის ვირუსოლოგიის ლაბორატორიაში, რომლის შესახებაც გავრცელდა ინფორმაცია, რომ მეცნიერები ატარებდნენ ძალზე რისკის შემცველ გამოკვლევებს ვირუსით ინფიცირებულ ღამურებზე.