აქამდე, ბალტიისპირული რესპუბლიკა საბჭოთა მმართველობის ზიანს 18 მილიარდ დოლარად აფასებდა. ანგარიში სიმბოლურ ხასიათს ატარებს, რადგან ლატვია არ აპირებს რუსეთს -  სსრკ-ს სამართალმემკვიდრეს, ზარალის ანაზღაურება მოსთხოვოს.

სამშაბათს, 5 ნოემბერს, ლატვიის მინისტრთა კაბინეტმა განაახლა კომისიის მუშაობა, რომელმაც უნდა დაიანგარიშოს „საბჭოთა ოკუპაციისგან“ მიღებული ზიანი.

კომისიის შემადგენლობაში, რომელიც 2005 წლიდან ფუნქციონირებდა, მაგრამ 2009-ში თანხის უკმარისობის გამო მუშაობა შეწყვიტა, შევლენ პროკურატურის, სამხედრო მუზეუმის, ბალტიისა და ჩრდილოეთის კვლევის ცენტრის, ლატვიის უნივერსიტეტის, ოკუპაციის მუზეუმის და ასევე რიგი სამინისტროების - ეკონიმიკის, თავდაცვის, საგარეო საქმეთა და რეგიონალური განვითარების  წარმომადგენლები.

2012 წელს, „საოკუპაციო კომისიის“ მუშაობის აღდგენის ინიციატივით ლატვიის იუსტიციის მინისტრი - იანის ბორდანსი გამოვიდა. მან აღნიშნა, რომ ლატვია „საბჭოთა ოკუპაციაზე“ პასუხისმგებლად საბჭოთა კავშირის სამართალმემკვიდრე რუსეთს მიიჩნევს. მინისტრი არ მოელის რუსული კომპენსაციის მიღებას, მაგრამ იმედი აქვს, რომ ზიანის აღწერა დაეხმარება ლატვიის რუსული საზოგადოებისთვის „საბჭოთა ოკუპაციის“ რეალობის დარწმუნებაში.

რუსული მხარე „ოკუპაციის“ არებობას უარჰყოფს, ხოლო ლატვიის პრეტენზიას კომპენსაციის თაობაზე უსაფუძვლოდ მიიჩნევს.