ფრანგი მეზღვაურების მესამედ რაოდენობას, რომლებიც ავიამზიდ შარლ დე გოლზე მსახურობენ, კორონავირუსი დაუდასტურდა- ამის შესახებ ინფორმაციას FRANCE24- ი საფრანგეთის თავდაცვის სამინისტროზე დაყრდნობით ავრცელებს.

სტატიაში აღნიშნულია, რომ 668 მეზღვაურს აღმოაჩნდა ვირუსი, რომლებიც შარლ დეგოლის ავიამზიდსა და მის ესკორტულ სამხედრო ხომალდებზე მსახურობენ.

თავდაცვის უწყების განცხადებით, 31 მეზღვაური ქალაქ ტულონის საავადმყოფოში გადის მკურნალობას, 1 მათგანი კი ინტენსიური მკურნალობის პალატაში იმყოფება და მისი მდგოამრეობა მძიმეა. გასულ კვირას ფლოტის სარდლობამ მიიღო გადაწყვეტილება, რომ საავიამზიდო დაჯგუფება ქვეყანაში ატლანტიკის ოკეანიდან დაებრუნებინათ მას შემდეგ, რაც ხომალდებზე კოვიდ 19-ით ინფიცირების შემთხვევები აღინიშნა.

სამინისტროს განცხადებაში ნათქვამია, რომ სულ 1767 სამხედროს ჩაუტარეს გამოკვლევა კორონავირუსზე. შეგახსენებთ, რომ შარლ დე გოლის საავიამზიდო დაჯგუფება ატლანტის ოკეანეში ნატოს წვრთნების ფარგლებში იმყოფებოდა.