"მასონური გადაწყვეტილება, მასობრივი კონტროლი..." - მეუფე იაკობი საგანგებო მდგომარეობაზე

COVID-19 - 10:11, 16 Apr, 2020

1433

მეუფე იობის სკანდალური ქადაგება ამბიონიდან - მაღალი სასულიერო პირი დარწმუნებულია, რომ კორონავირუსთან დაკავშირებით, საგანგებო მდგომარეობის გამოცხადება, მასონური გადაწყვეტილებაა.
მისი თქმით, მრევლი საქართველოს პატრიარქის მოწოდებას უნდა დაემორჩილოს და არა "ურწმუნო ექიმებსა და ხელისუფლებას".

„ჩვენ უნდა მოვუსმინოთ სასულიერო პირებს, ამ შემთხვევაში უწმიდესსა და უნეტარესს, რასაც ის მოგვიწოდებს, იმიტომ რომ ის არის შუამავალი ჩვენსა და ღმერთს შორის. მისი ლოცვა-კურთხევა უნდა იყოს მორწმუნეთათვის მთავარი და არა ურწმუნო ხელისფლების მოწოდება, ან ურწმუნო ექიმების მოწოდება"- განაცხადა სასულიერო პირმა.

მეუფე იობის თქმით, კორონავირუსისგან მოხუცები იღუპებიან, როცა ისინი "ქვეყნიდან უკვე უნდა გავიდნენ"

"თუ ჩვენ დავაკვირდებით კორონა ვირუსის შედეგად მოხუცებულები არინ გარდაცვლილები, როცა ისინი უნდა გავიდნენ ამ ქვეყნიდან. ეს ჩვეულებრივი ვირუსია, ადამიანებს უსიმპტომოდ გადაუვლიათ და განკურნებულან ამ ვირუსით.

ეს არის ხელოვნურად თავსმოხვეული ფსიქოზი. მე ადრეც ვთქვი, წინა რეპეტიციაა იმისა თუ რამდენად წინააღმდეგობას გაუწევს ხალხი ამ საერთო, მასონურ გადაწყვეტილებას, რასაც ჰქვია კაცობრიობის კონტროლი, რასაც ჰქვია საგანგებო მდგომარეობის შემოღება.გარდაცვლილები არის მხოლოდ პათოლოგიური და ქრონიკული დაავადების მქონე ადამიანები, რომლთაც მართლა ჩვეულებრივი ვირუსიც რომ შეხვდეს, შეიძლება გარდაიცვალოს. მაგრამ, ჩვენ ახლა აღდგომის მარხვაში ვიმყოფებით და სიკვდილზე გიმარჯვა უფალმა. მკვდრეთით აღდგა იესო ქრისტე, რიის უნდა გვეშინოდეს მართლმადიდებლებს“ – განაცხადა მეუფე იობმა ქადგებისას.