მოქალაქეთა დაუდევრობა და უსაფრთხოების წესების უხეში დარღვევა - წყალტუბოს საკარანტინე ზონაში, ადამიანები ერთმანეთს სტუმრობენ

COVID-19 - 14:48, 15 Apr, 2020

947

წყალტუბოს საკარანტინე სივრცეში უსაფრთხოების ნირმების უხეში დარღვევა გამოვლინდა. როგორც ირკვევა, სასტუმროში არ არის სათვალთვალო კამერები, შესაბამისად, კარანტინში მოთავსებული ადამიანები ერთმანეთის ნომრებში უპრობლემოდ შედიან.

დაავადებათა კონტროლის წყალტუბოს წარმომადგენლობაში აცხადებენ, რომ პირი ვისაც ახალი კორონავირუსი დაუდასტურდა სასტუმროს 10 ბინადართან იმყოფებოდა.
მამაკაცი ქუთაისის ინფექციურ საავდმყოფოშია მოთავსებული.
"ერთმანეთში დაგულავებენ, რადგან აქ ვიდეოვალი არ არის"- აცხადებენ კარანტინში მყოფი პირები.

წყალტუბოს მუნიციპალიტეტის საზოგადოებრივი ჯანდაცვის ხელმძღვანელი მარინა ტყეშელაშვილი აცხადებს, რომ სასტუმრო კარანტინისთვის თავიდანვე არ იყო სათანადოდ მოწყობილი, რის შესახებაც ტურიზმის ადმინისტრაციას აცნობეს.

„თავიდანვე ვამბობდი, რომ ამ სასტუმროში კარანტინი არ უნდა მოწყობილიყო, რადგან უსაფრთხოების ზომები არაა დაცული. დერეფანი არ კონტროლდება სათვალთვალო კამერით. ვაცნობეთ ტურიზმის დეპარტამენტს, მაგრამ არ გაითვალისწინეს. ეს ბიჭი, ვისაც აღმოაჩნდა ვირუსი, საფრთიდან შემოვიდა ჩვენთან, მას შეხება ქონდა ამ სასტუროში მყოფ სხვა პირებთან და ათ ადამიანს ანალიზი ავუღეთ,“ - განაცხადა მარინა ტყეშელაშვილმა.