ჯანდაცვის მინისტრის ეკატერინე ტიკარაძე მედპერსონალის სიმცირეზე საუბრობს.

როგორც მინისტრმა იმედის ეთერში თქვა, საუბარია არა პერსონალის კალიფიკაციაზე, არამედ რიცხვებზე.

ტიკარაძეის თქმით, ამ ეტაპისთვის საქართველოში 488 რეანიმატოლოგია, ადამიანური რესურსის ფარგლებში კი მათ დღეში 1 200 პაციენტის მოვლა შეუძლიათ.

მისივე თქმით, ქვეყანაში სულ 256 ინფექციონისტია და ოპტიმალური გადანაწილების პირობებში, მათ 853 პაციენტის მოვლა შეუძლიათ.

"როცა ამ რიცხვებს აანალიზებ ხვდები, რომ ძალიან მნიშვნელოვანია გადადგა ძალიან მკაცრი ნაბიჯები და მიიღო გადაწყვეტილებები, რომელიც იმსახურებს კრიტიკას და იყო ძალიან ფრთხილი. სწორედ ესაა ის მამოტივირებელი იმისა, თუ რატომ დავიწყეთ ყველა იმ თამამი ნაბიჯის გადადგა", - თქვა მინისტრმა.