აშშ-ში ეპისკოპოსი ჯერალდ გლენი, რომელიც ვირჯინიაში ევანგელისტური ეკლესიის წინამძღვარი იყო, კვირას კორონავირუსისგან გარდაიცვალა. 22 მარტს, შტატში კოვიდ 19-ის ფონზე გუბერნატორის მიერ საყოველთაო კარანტინის გამოცხადებამდე 1 დღით ადრე, ჯერალდმა თავისი მრევლისთვის ეკლესიაში იქადაგა, რა დროსაც განაცხადა, რომ „ღმერთი იმაზე ბევრად დიდია ვიდრე საშინელი ვირუსი“ - მან აღნიშნა, რომ სიკვდილს არ ეშინოდა.

4 აპრილს სოციალურ ქსელში გლენის ქალიშვილმა გამოაქვეყნა ვიდეო, სადაც აცხადებდა, რომ მის მშობლებს კოვიდ 19-ის ინფექცია დაუდასტურდათ გამოკვლევების შედეგად.

„ მანამ სანამ ისინი გულმხურვალედ გლოვობენ თავიანთი ოჯახის პატრიარქისა და სულიერის მამის გარდაცვალებას, აგრეთვე ოჯახის ორი წევრი ებრძვის კორონავირუსს“ - გამოეხმაურა ფეისბუქ პოსტით აღნიშნულ მოვლენას ევანგელისტური ეკლესიის ხელმძღვანელობა.

შეგახსენებთ, რომ კორონავირუსის გავრცელების ყველაზე მასშტაბურ კერას ამ დროისთვის ამერიკის შეერთებული შტატები წარმოადგენს, სადაც ინფიცირებულთა საერთო რაოდენობა 600 000-მდეა, რომელთაგან 23 644 ფატალური აღმოჩნდა.