გეი მამაკაცი სამშობლოდან, თურქმენეთიდან გარბის მას შემდეგ, რაც პოლიციამ საშინლად ცემა. 23 წლის მამაკაცი RadioFreeEurope-ს ანონიმურად ესაუბრა და მისი ისტორია მოუყვა, თუ როგორ გაუსწორდნენ თურქმენეთის სამართალდამცავები. მამაკაცმა ევროპის ერთ-ერთ ქვეყანაში თავშესაფარი მოითხოვა.

ცენტრალური აზიიდან ის სასწავლებლად რუსეთში 18 წლის ასაკში წავიდა. 2019 წელს მამაკაცს აივ (HIV) ვირუსი დაუდგინდა და სამშობლოში, თურქმენეთში დაბრუნდა. ის თავისი ჯანმრთელობის მდგომარეობის შესახებ ინფორმაციას მალავდა, რადგან ეშინოდა, რომ დისკრიმინაციის და შესაძლო თავდასხმის მსხვერპლი გახდებოდა.

მას ჯერ კიდევ სჭირდებოდა სამედიცინო დახმარება, რისთვისაც აივ ინფექციის სამკურნალო ცენტრს მიმართა და ანალიზის აღებიდან ორ დღეში საავადმყოფოში დაბრუნდა, სადაც პოლიციის ორი ოფიცერი ელოდებოდა.

„ოფიცრებმა მკითხეს თუ როგორ დავინფიცირდი მე და მათ ვუპასუხე რომ არ ვიცოდი.“ - აცხადების მამაკაცი. მისი თქმით, მან პოლიციას ინფიცირების წყარო დაუმალა, რადგან თურქმენეთში გეი სექსი არალეგალურია. „პირველად დამისვეს შეკითხვა, შემდეგ უმოწყალოდ მცემეს. შემდეგ მითხრეს: „ჩვენ ვიცით რომ შიდსი გაქვს. შენ ხარ გეი“, რაზეც ვუპასუხე, რომ ეს სიმართლე არ იყო, თუმცა მათ ჩემი ცემა განაგრძეს.“

23 წლის მამაკაცი მომხდარი ფაქტის შემდეგ რუსეთში წავიდა, რათა LGBT+ უფლება დამცველი ორგანიზაციისთვის მიემართა, რაშიც მას მეგობარი დაეხმარა. ამის შემდეგ კი ევროპის ერთ-ერთ ქვეყანაში მოითხოვა ლტოლვილის თავშესაფარი. იგი შიშობს, რომ სამშობლოში ვერასდროს დაბრუნდება.

*შენიშვნა: ფოტო არ ასახავს რეალობას