სახელმწიფო დაცვის სპეციალური სამსახურის უფროსი, ანზორ ჩუბინიძე ადასტურებს ინფორმაციას, რომ კორონავირუსით ინფიცირებული დაცვის თანამშრომელი სდსს-ში მუშაობს.

ამის შესახებ მან საქართველოს „პირველ არხს“ განუცხადა.

მისი თქმით, აღნიშნული პირი პირად დაცვაში არ მუშაობდა.

ჩუბინიძემ განაცხადა, რომ სხვა დეტალები განეკუთვნება პერსონალურ ინფორმაციას და ამაზე ვერ ისაუბრებს.

ბოლო მონაცემებით, საქართველოში კორონავირუსი 296 ადამიანს დაუდასტურდა, მათგან 68 გამოჯანმრთელდა, 3 კი გარდაიცვალა. საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას.