მოსალოდნელია თუ არა კორონავირუსიის პანდემიის მეორე ტალღა შემოდგომაზე - ინფექციონისტ ალექსანდრე გოგინავას თქმით, შემოდგომაზე კორონავირუსს პანდემიის სახით აღარ უნდა ველოდოთ და ამ ვირუსით დაინფიცირების მხოლოდ ერთეული შემთხვევები იქნება.

გოგინავამ ასევე აღნიშნა, რომ პანდემია სავარაუდოდ მაისის შუა რიცხვებიდან დაიხევს უკან, როგორც მსოფლიოს სხვადასხვა ქვეყანაში, ისე საქართველოშიც.

„რთულია პროგნოზის გაკეთება იმაზე, მოსალოდნელია თუ არა კორონავირუსიის პანდემიის მეორე ტალღა შემოდგომაზე. შეიძლება სეზონურად ადამიანების დაინფიცირება მოხდეს ამ ვირუსით, მაგრამ არა იმ სახით, როგორც ახლა, ანუ პანდემიის სახით.

იქნება სპორადული დაინფიცირება ანუ ერთეული შემთხვევები, ხოლო ვაქცინის შექმნა უზრუნველყოფს დარჩენილი პოპულაციის იმუნიზაციას.

აქედან გამომდინარე მეორე ეტაპსა და პანდემიის ტიპით დაავადების ხელმეორედ გავრცელებას შემოდგომაზე არ ველოდებით“, – განაცხადა ალექსანდრე გოგინავამ