რუსეთთან ჩინეთის უკიდურესი ჩრდილოაღმოსავლეთ საზღვარი აღმოჩნდა მთავარი ფრონტის ხაზი კორონავირუსის სავარაუდო „მეორე ტალღის“ შეკავებასა და პრევენციაში. გავრცელებული ინფორმაციით, უკანასკნელი დღეების განმავლობაში ძალზე გაიზარდა აღნიშნული ტერიტორიიდან კოვიდ 19-ით ინფიცირებულთა ქვეყანაში შემოსვლის შემთხვევები.

მას შემდეგ, რაც გავრცელდა ინფორმაცია, რომ ჩინეთმა მოახდინა შიდა გადაცემის ლოკალიზება , რომლის ფონზეც საგრძნობლად შემცირდა კორონავირუსის გავრცელება, მთავრობამ მიიღო შეზღუდვების ეტაპობრივი შემცირება, რათა ეკონომიკა ჩვეულ რიტმს დაბრუნებოდა. მიუხედავად კოვიდ 19-ზე გამარჯვებისა, ხელისუფლებასა და სამოქალაქო ჯგუფებში შიშობენ, რომ იმპორტირებული შემთხვევების ფონზე მოსალოდნელია კორონავირუსის გავრცელების მეორე ტალღა ქვეყანაში.

დაავადების იმპორტირების ახალი რეკორდულად მაღალი მაჩვენებელი, 98 შემთხვევა დაუფიქსირდა ჩინეთის იმ მოქალაქეებს, რომლებიც დაბრუნდნენ ვლადივოსტოკიდან ჰეილონგიანგის პროვინციის სასაზღვრო გამშვები პუნქტის გავლით. ადგილობრივი მთავრობის მაღალჩინოსანთა თქმით, ბოლო პერიოდის განმავლობაში აგრეთვე იმატა რუსეთიდან საზღვრის დარღვევის ფაქტებმა, რაც კორონავირუსის გავრცელებას უწყობს ხელს. რუსეთთან მოსაზღვრე, ჩინეთის სუიფენჰეს პროვინციაში ამ დროისთვის 28 დღიანი კარანტინია გამოცხადებული იმ პირთათვის, რომლებიც რუსეთითან შემოდიან. თითოეულ მათგანს უტარდება ანტისხეულებზე ტესტირება. პირები, რომლებიც საზღვრის დარღვევის ფაქტის შესახებ სამართალდამცავებს შეატყობინებენ 3000 უანს მიიღებენ, ხოლო ვინც არალეგალ მიგრანტს დააპატიმრებს 5000 უანს მიიღებს.