იტალიური გავლენიანი მედიის, La repubblica-ს ინფორმაციით, რუსები იტალიელებს სთავაზობენ გარკვეული თანხის საფასურად ჩაწერონ ვიდეო, სადაც მადლობას უხდიან რუსეთს და უშუალოდ ვლადიმერ პუტინს კორონავირუსთან ბრძოლაში გაწეული დახმარებისთვის.

სტატიაში აღნიშნულია, რომ იტალიაში მცხოვრები რუსები “WHATSAPP”-ის საშუალებით უგზავნიან თავიანთ ნაცნობ ადგილობრივ მოქალაქეებს შეთავაზებას, რათა გადაიღონ ვიდეო ერთ-ერთი რუსული მედიისთვის ექსკლუზიურად. LA REPUBBLICA-ში აღნიშნულია, რომ ვიდეოს პუბლიკაციისთვის საჭიროა 15 იტალიელი, რომლებიც ძალზე დადებითად შეაფასებენ რუსეთის მიერ იტალიისთვის გაგზავნილ ჰუმანიტარულ დახმარებას.

რუსების მოთხოვნის თანახმად, იტალიის მოქალაქეებმა თავიანთი სამადლობელო პოსტი უნდა გამოაქვეყნონ ტვიტერზე, ფეისბუქსა და ინსტაგრამზე- აღნიშნული ფაქტის შემდეგ ისინი მიიღბენ 200 ევროს.

იტალიური გაზეთი დაუკავშირდა ერთ-ერთ ადგილობრივი იტალიელ მოქალაქეს, რომელმაც “TIkTOk”-ში გამოაქვეყნა რამდენიმე წამიანი სამადლობელი ვიდეო რუსეთის მიმართ, რის სანაცვლოდაც მან 20 ევრო მიიღო.

შეგახსენებთ, რომ რამდენიმე კვირის წინ გავრცელდა რომაელი მაღალჩინოსნის განცხადება იმასთან დაკავშირებით, რომ რუსეთის მიერ იტალიისთვის გაგზავნილი დახმარება კორონავირუსის შესაჩერებლად გამოუსადეგარი აღმოჩნდა.

იტალიელი მაღალჩინოსნების თქმით, რუსეთის მიერ გამოგზავნილი აღჭურვილობა და სპეცსისტემები გათვლილია არა კოვიდ 19-ის ვირუსის, არამედ როგორც ჩანს, აღნიშნული მოწყობილობები მეტწილად განკუთვნილია ქიმიური ან ბიოლოგიური ომის საწინააღმდეგოდ- მათ შორისაა ქიმიური-ბაქტერიული სტერილიზაციის საველე ლაბორატორია.