როდის უნდა დასრულდეს „დარჩი სახლში ბრძანება“ და სოციალური დისტანცირება? ეს არის შეკითხვა, რომელიც მთელ მსოფლიოს აწუხებს. რა არის ამისთვის საჭირო? პირველ რიგში ალბათ ყველას ვაქცინა გვახსენდება. იქიდან გამომდინარე, რომ მის შექმნას დიდი დრო სჭირდება, საუბარი ანტისხეულების ტესტებზე დაიწყო.

თუმცა რა არის ეს ტესტი, რა შეუძლია მას და როგორ დაგვეხმარება ის კორონავირუსის წინააღმდეგ ბრძოლაში? სეროლოგიური ანალიზის მიზანია სისხლის შრატში ანტისხეულების დიაგნოსტიკური იდენტიფიკაცია. ანტისხეულები ორგანიზმში კონკრეტული მიკროოგრანიზმით გამოწვეული ინფექციის, სხვა უფხო პროტეინების, ან ორგანიზმის საკუთარი პროტეინების საპსაუხოდ წარმოიქმნება. ანტისხეულის ანალიზი ვერ გვეტყვის ორგანიზმში კორონავირუსული ინფექცია აქტიურია თუ არა, თუმცა იმუნურ სისტემაში პროტეინებს შეამოწმებს, რომელიც ცნობილია, როგორც ანტისხეულები.

მათი არსებობა ორგანიზმში ნიშნავს იმას, რომ ადამიანი ვირუსის წინააღმდეგ უძლური იყო და საბრძოლველად ჩამოყალიბდა ანტისხეულები, რაც თავის მხრივ იმას ნიშნავს, რომ ადამიანი ვირუსის წინააღმდეგ იმუნურია. მიუხედავად ამისა, ექსპერტები კორონავირუსის შემთხვევაში გადაჭრით ვერ საუბრობენ და დაუდგენელია თუ რამდენ ხანს გრძელდება იმუნურობა ახალი კორონავირუსის წინააღმდეგ ან რამდენად ძლიერია ის.