24 წლის ჯამელია ფეირლიმ და 28 წლის ეშლი რედდიკმა მაკდონლადსის წინააღმდეგ სექსუალური შევიწროების საჩივრით სასამართლოს მიმართეს. ისინი კომპანიისგან 500 მილიონი დოლარის მიღებას ითხოვენ. ფეირლი ამჟამადაც მუშაობს სანფორდის (ფლორიდა) ერთ-ერთ მაკდონალდში, ხოლო რედდიკი ყოფილი თანამშრომელია. მათ საჩივრით ილინოისის (ჩიკაგო) ფედერალურ სასამართლოს მიმართეს. სწორედ აქ მდებარეობს მაკდონლადსის სათაო ოფისი.

როგორც ირკვევა, ქალბატონები რესტორნის წინააღმდეგ არამარტო საკუთარი უფლებების, არამედ ფლორიდაში მდებარე 100 მაკდონლადში მომუშავე 5 000 ქალის უფლების დასაცავად იბრძვიან.

„დაუშვებელია, რომ ქვეყნის მეორე ყველაზე დიდი დამსაქმებელი ვერ ახერხებს თავისი თანამშრომლების შევიწროებისგან დაცვას... ჩვენ ერთად ძლიერები ვართ და ერთად ჩვენ გვაქვს ხმა. ჩვენ ვიყენებთ ამ ხმას, რათა გავხადოთ მაკდონლადსი ანგარიშვალდებული“. - განაცხადა ფეირლიმ, ერთ-ერთმა მომჩივანმა.

საჩივრის მიხედვით, ორივე ქალბატონს მათი თანამშრომელი მამაკაცები ავიწროებდნენ, რაშიც როგორც ვერბალური, ისე ფიზიკური სექსუალური შევიწროება იგულისხმება. ფეირლის თქმით კი, როდესაც ამის შესახებ მენეჯერს მიმართა, მისი სამუშაო საათები შემცირდა. რედდიკიც იგივე პრობლემაზე საუბრობს და აღნიშნავს, რომ როდესაც სექსუალური შევიწროების საკითხი სააშკარაოზე გამოიტანა, მან სამუშაო საათები დაკარგა.

ფეირლი და რედდიკი არ არიან ერთადერთები, რომლებიც სწრაფი კვების ობიექტის წინააღმდეგ სასამრთლოს საჩივრით მიმართავენ. უკანასკნელი სამი წლის განმავლობაში სასამართლოს 50-ზე მეტმა ადამიანმა მიმართა სექსუალური შევიწროების საჩივრით.