ჩინეთში კორონავირუსი რასიზმის გამომწვევი ერთ-ერთი მნიშვნელოვანი ფაქტორი გახდა- გუანჟოუში, მაკდონალდსის ერთ-ერთ რესტორანში რამდენიმე დღის განმავლობაში იკრძალებოდა ფერადკანიანი ადამიანების შეშვება. საერთაშორისო ბრენდის ზემოხსენებული რესტორნის ადმინისტრაციამ გადაწყვეტილება იმის გამო მიიღო, რომ ბოლო დროინდელი მონაცემებით, კოვიდ 19-ის ინფექცია განსაკუთრებით ჭარბი რაოდენობით გავრცელდა ფერადკანიან ადამიანებში, აღნიშნული ქმედებით კი ისინი ცდილობდნენ დაავადების გავრცელების პრევენცია მომხდარიყო კვების ობიექტში.

„ჩვენ მოგვაწოდეს ინფორმაცია იმასთან დაკავშირებით, რომ ფერადკანიანი ადამიანები არ უნდა შეუშვან რესტორანში. თქვენი ჯანმრთელობისთვის მოურიდებლად აცნობეთ ადგილობრივ პოლიციას, რათა მოახდინონ თქვენი სამედიცინო იზოლაცია, გთხოვთ გაითვალისწინოთ გამოწვეული უხერხულობა“ - ნათქვამია რესტორნის ადმინისტრაციის მიერ გამოქვეყნებულ განცხადებაში.

აღნიშნული ფაქტის სოციალურ ქსელში გავრცელების შემდეგ, მაკდონალდსის ჩინეთის ოფიციალურმა ქსელმა "უპირობოდ" მოუხადა ბოდიში მომხმარებლებს რასისტული გამოვლინების გამო.

„ჩინეთის მაკდონალდსი სერიოზულად იღებს თვალთახედვაში მომხდარ ფაქტს და მკაცრად გმობს ნებისმიერი სახის დისკრიმინაციასა და რასობრივ დაყოფას“ - ნათქვამია ოფიციალურ განცხადებაში.