რუსეთის პრეზიდენტმა, ვლადიმერ პუტინმა მედიასთან საუბრისას განაცხადა, რომ ქვეყანაში კორონავირუსთან მიმართებით მდგომარეობა უკეთესობისკენ არ იცვლება.

„ჩვენ ვხედავთ, რომ სიტუაცია თითქმის ყოველდღიურად იცვლება და სამწუხაროდ ავადმყოფთა რაოდენობა საგრძნობლად იზრდება. უფრო და უფრო მეტია დაავადების მწვავე მიმდინარეობა- კერძოდ კი კრიტიკული პაციენტების რიცხვი“ - განაცხადა რუსეთის სახელმწიფო მეთაურმა .

პუტინის განცხადებით, ქვეყნის ხელისუფლებამ უნდა გაითვალისწინოს და მზად იყოს კორონავირუსის განვითარების ყველაზე რთული და საგანგებო სცენარისთვისაც კი, რათა მოქნილად და დაუყოვნებლივ შეიცვალოს მთავრობის მოქმედების სტრატეგია და ტაქტიკა, პირველ რიგში მოქალაქეების მიმართ აუცილებელი სამედიცინო დახმარების გაწევის შესაბამისი გეგმა უნდა შემუშავდეს სიტუაციის დამძიმების შემთხვევაში- განაცხადა პუტინმა.

შეგახსენებთ, რომ რუსეთში კორონავირუსით ინფიცირებულთა რაოდენობა 18 328-ს აღწევს, ხოლო დაღუპულთა ფატალური შემთხვევების რიცხვი კი 148-ს შეადგენს.