კიევ-პეჩორის ლავრაში კორონავირუსით უკვე 63 სასულიერო პირია ინფიცირებული. ამის შესახებ ინფორმაციას ჯანმრთელობის სამინისტროზე დაყრდნობით, ავრცელებს უკრაინული მედია.

ჟურნალისტების თქმით, ერთ-ერთი დაინფიცირებული არქიმანდრიტის მდგომარეობა საგრძნობლად დამძიმდა, რომელსაც მოგვიანებით განუვითარდა პნეუმონია და იგი გარდაიცვალა. მარტში, ლავრის მიტროპოლიტმა პაველმა განაცხადა, რომ იგი ეწინააღმდეგებოდა საკარანტინო შეზღუდვებს.

4 აპრილს, კიევო-პეჩერსკის ლავრის ოფიციალურ საიტზე გამოქვეყნდა განცხადება კოვიდ 19-ის ინფექციის გავრცელების პრევენციასთან დაკავშირებით. აღნიშნულ წერილში ნახსენები იყო ფაქტი იმასთან მიმართებით, რომ ზემოხსენებული ეპარქიის სასულიერო პირები დაინფიცირდნენ კორონავირუსით და მღვდლების უმრავლესობა კარანტინში იქნა მოთავსებული.

9 აპრილს კიევის მერის, ვიტალი კლიჩკოს ინფორმაციით, კიევო-პეჩერსკოს ლავრაში უკვე 26 ადამიანი იყო დაავადებული კორონავირუსით. მიტროპოლიტი პაველი, რომელსაც აგრეთვე დაუდგინდა კოვიდ 19, ჯანმრთელობის მდგომარეობის გაუარესების გამო გადაყვანილ იქნა საავადმყოფოში.

შეგახსენებთ, რომ უკრაინაში კორონავირუსით დაინფიცირების 3102 შემთხვევა აღინიშნა, რომელთაგან 93 ფატალური აღმონჩდა. 45 ადამიანი ამ დრომდე კრიტიკულ მდგოამრეობაში იმყოფება.