ათენის მთავარსაეპისკოპოსოში სისხლის სამართლის საქმე აღიძრა იმ სასულიერო პირების მიმართ, რომლებმაც მთავრობის მიერ გამოტანილ დადგენილება ღვთისმსახურების აკრძალვასთან დაკავშირებით დაარღვიეს და წირვა გამართეს, რომელსაც ათეულობით ადამიანი დაესწრო.

2020 წლის 12 აპრილს ათენის ელადის მართლმადიდებლური ეკლესიის საეპისკოპოსომ გამოაქვეყნა ბრძანებულება კორონავირუსის საკარანტინო ღონისძიებებთან დაკავშირებით, რომლის საფუძველზე წირვის ჩატარება მრევლის წინაშე შეიზღუდა.

გავრცელებული ინფრომაციით, წმინდა ნიკოლოზის ეკლესიის მღვდელმა მიუხედავად გამოცხადებული შეზღუდვისა, ფარული შესასვლელიდან შეიყვანა ტაძარში მრევლი და ღვთისმსახურება მალულად გამართა.

ანალოგიური შემთხვევა მოხდა კერიკერას ეკლესიაში, სადაც საღვთო ლიტურგიას 15-ზე მეტი ადამიანი დაესწრო, სადაც ადგილობრივი სამართალდამცავი უწყების ინფორმაციით, აგრეთვე მოხდა მრევლის ზიარებაც.

აღნიშნულ ფაქტთან დაკავშირებით, ათენის მთავარეპისკოპოსმა გამოაქვეყნა განცხადება, რომელშიც ნათქვამია, რომ წმინდა სინოდის მიერ გამოტანილი გადაწყვეტილება ყველასათვის სავალდებულოა და აღნიშნა, რომ სასულიერო პირები ერთგულად იცავენ საბერძნეთის სახელმწიფოს კომპეტენტური ორგანოების მიერ გაცემულ მითითებებს კორონავირუსის პანდემიასთან დაკავშირებით.