ჩინეთის ჯანმრთელობის სახელმწიფოს დაზღვევის ადმინისტრაციის სპიკერმა, სიუნ სიანცზიუნმა დაასახელა ღირებულება, რომელიც უჯდება სახელმწიფოს კორონავირუსით ინფიცირებული პაციენტების გამოსანაჯმრთელებლად. ამის შესახებ წერს რუსული მედია.

მისი თქმით, კოვიდ 19-ის ვირუსისგან დაავადებული, საშუალო მდგომარეობაში მყოფი სტაციონარული პაციენტის მკურნალობა $3000 დოლარი ღირს. დაავადების მძიმე ფორმებში განვითარების შემთხვევაში ხარჯები 21 000 დოლარამდე იზრდება.

სიანცზიუნმა აგრეთვე ხაზგასმით აღნიშნა, რომ ზოგიერთ განსაკუთღებით მძიმე შემთხვევებში კორონავირუსით ინფიცირებული პაციენტის მკურნალობისთვის აუცილებელმა თანხამ შესაძლოა, $200 000 დოლარამდეც მიაღწიოს.

ამ დროისთვის აშშ-ში კორონავირუსისგან ინფიცირებულ პაციენტთა რაოდენობა 505 000-ზე მეტს შეადგენს, რომელთაგან 400 000 საშუალო სიმძიმისაა და სტაციონარულ მკურნალობას გადის საავადმყოფოებში. ზემოხსენებული დასკვნის საფუძველზე, იმ შემთხვევაში თუ კოვიდ 19-ით დაავადებული, საშუალო მდგომარეობაში მყოფი პაციენტების მდგომარეობა არ დამძიმდება, მათი მკურნალობა სახელმწიფოს $1.2 მილიარდი დოლარი დაუჯდება.

უკანასკნელი ინფორმაციის თანახმად , 11 766 პაციენტი აშშ-ში კრიტიკულ მდგომარეობაშია- უმრავლესი მათგანი ხელოვნური სუნთქვის აპარატზეა მიერთებული. ჩინური ჯანდაცვის უწყების დასკვნის საფუძველზე, ამერიკის მთავრობას უმძიმეს მდგომარეობაში მყოფ პაციენტთა გამოსაჯანმრთელებლად კი $ 2,353 მილიარდი დოლარის დახარჯვა მოუწევს.

საქართველოში კოვიდ 19-ით ინფიცირებული 196 ადამიანი ამ დრომდე სტაციონარულ მკურნალობას გადის კლინიკებში, რომელთაგან 6 მათგანი კრიტიკულ მდგომარეობაში იმყოფება. სახელმწიფოს ბიუჯეტს 190 ადამიანის მკურნალობისთვის $570 000 სჭირდება, ხოლო მძიმე პაციენტების გამოსაჯანმრთელებლად $1.200 000 დოლარის დახარჯვა მოუწევს.