კორონავირუსით შექმნილი კრიზისის ფონზე ოპეკი, რუსეთი და ნავთობის მწარმოებელი სხვა ქვეყნები შეთანხმდნენ ნავთობის დღიური მოპოვების რეკორდული რაოდენობით შემცირებაზე, რაც გლობალური მიწოდების დაახლოებით 10 პროცენტს შეადგენს. აღნიშნული გადაწყვეტილება ხელს შეუწყობს ფასის დარეგულირებას პანდემიის ფარგლებში.

ოთხდღიანი მოლაპარაკებისა და დონალდ ტრამპის აქტიური ჩარევის შემდეგ ჯგუფი, რომელიც ცნობილია როგორც OPEC+, შეთანხმდა მაის-ივნისის ჩათვლით შეამციროს ნავთობის მოპოვება 9.7 მილიონი ბარელით დღეში. გავრცელებული ინფორმაციით, შეთანხმება მიღწეული იქნა კვირას ვიდეო კონფერენციაზე. აღნიშნული მოლაპარაკების ოფიციალური დადასტურება კი მოხდა ყაზახეთის ენერგეტიკის მინისტრის განცხადებაში.

„ჩვენ მოვახდინეთ იმ ფაქტის დემონსტრირება, რომ OPEC+ ფუნქციონირებს“ - განაცხადა საუდის არაბეთის ენერგიის მინისტრმა, აბდულაზიზ ბინ სალმანმა ბლუმბერგთან ინტერვიუში, რამდენიმე წუთის შემდეგ, რაც შეთანხმება იქნა მიღწეული.

შეთანხმების თანახმად, საუდის არაბეთი შეამცირებს ნავთობის მოპოვებას 8.5 მილიონ ბარელამდე დღეში, რაც 2011 წლის შემდეგ ყველაზე დაბალი ნიშნულია. მოლაპარაკების შედეგად, საუდის არაბეთმა და რუსეთმა დღეში 11 მილიონი ბარელი ნავთობის მოპოვებაზე განაცხადეს უარი. რეალურად კი, ოფიციალური ერ-რიადის "ნავთობის ამოღებისა და გადამუშავების" ციფრები უფრო დიდი იყო- მას შემდეგ, რაც არაბეთმა რუსეთთან ნავთობის მოპოვების დღიურ ფასებზე შეთანხმებას ვერ მიაღწია, სრული დატვირთვით აამუშავა ნავთობმომპოვებელი დანადგარები, სადაც რეკორდულად მაღალი მოპოვება, 12,3 მილიონი ბარელის ამოღება ხდებოდა ნავთობსაბადოებიდან.

აღნიშნული გადაწყვეტილება უპრეცედენტოა ნავთობმომპოვებელი სახელმწიფოებისგან- ოპეკის არსებობიდან დღემდე არ მომხდარა მსგავს მასშტაბურ შემცირებაზე შეთანხმება მწარმოებელი ქვეყნებისგან.