დღეს, სამების საკათედრო ტაძარში, წირვის დასრულების შემდეგ არქიდიაკონმა დემეტრემ მრევლს "ვნების შვიდეულის მსახურების" განრიგი გააცნო.

განრიგის მიხედვით ჩანს, რომ საგანგებო მდგომარეობის შეზღუდვების მიუხედავად, საპატრიარქო ჩვეულ რეჟიმში გააგრძელებს მსახურებების ჩატარებას.

შაბათს, აღდგომის წინა ღამეს ლიტანიობა კომენდანტის საათის დროს დაიგეგმა. სააღდგომო მსახურებების განრიგი ასეთია:

• ორშაბათს დილის 9 საათზე პირველშეწირული ლიტურგია, ხოლო საღამოს 16 საათზე სერობის ჟამი და ცისკარი,
• სამშაბათს დილის 9 საათზე პირველშეწირული ლიტურგია, საღამოს 16 საათზე შვიდგზის ზეთისცხება,
• ოთხშაბათს დილის 9 საათზე პირველშეწირული ლიტურგია, ხოლო საღამოს 16 საათზე სერობის ჟამი და ცისკარი;
• ხუთშაბათს 10 საათზე ბასილი დიდის საღვთო ლიტურგია და წმინდა საიდუმლო სერობის გახსენება, საღამოს 16 საათზე 12 ვნების სახარება,
• პარასკევს სამეუფეო ჟამები, შუადთით 14 საათზე გარდამოხსნის გამოსვენება და დატირება,
• შაბათს დილის 7 საათზე შესრულდება წესის აგება, ჟამების კითხვა, ხოლო 9 საათზე შესრულდება წმ ბასილი დიდის საღმრთო ლიტურგია;
• საღამოს 22 საათზე შუაღამის ჟამი.
• 23 საათზე ტაძარში მივა ილია მეორე, ხოლო ღამის 12 საათზე დიაწყება ლიტანიობა.