აშშ გახდა პირველი ქვეყანა, სადაც კორონავირუსით გარდაცვლილთა რაოდენობამ ერთი დღის განმავლობაში 2000-ს გადააჭარბა.

ჯონ ჰოპკინსის უნივერსიტეტის მიერ გავრცელებული მონაცემების თანახმად, ამერიკაში უკანასკნელ 24 საათში 2108 ფატალური შემთხვევა აღინიშნა. კოვიდ 19-ით ინფიცირებულთა რიცხვი კი უკვე ნახევარ მილიონს გასცდა.სავარაუდოდ, აშშ აგრეთვე გახდება პირველი სახელმწიფო, რომელიც ზემოეხსენებული ვირუსით გარდაცვლითა რაოდენობით იტალიას გადაასწრებს.

ამერიკელი ექსპერტების ვარაუდით, ვირუსი მალე დასტაბილიზირდება- დებორა ბრიქსმა აღნიშნა- ‘’ მიუხედავად იმისა, რომ ჯერ პიკისთვის არ მიგვიღწევია , შეგვიძლია იმის პროგნოზირება, რომ დაავადების სტაბილიზება მალე მოხდება“.

დონალდ ტრამპმა აღნიშნა, რომ აშშ ინფექციისგან იმაზე ნაკლებ გარდაცვლილს ელოდება, ვიდრე ეს ადრეული მოლოდინებისას ითქვა, როდესაც ფატალური შემთხვევების სავარაუდო ნიშნულად 100 000 დასახელდა.