"პირბადეების დანიშნულება უპირველესი არის, ამ ვირუსისგან დაცვის მაღალი დონე ჰქონდეს... სპეციალისტები მუშაობენ თავაუღებლივ"

"პირბადეების დანიშნულება უპირველესი არის, ამ ვირუსისგან დაცვის მაღალი დონე ჰქონდეს... სპეციალისტები მუშაობენ თავაუღებლივ" - შოთა ცანავა

COVID-19 - 18:52, 10 Apr, 2020

756

საქართველოში წარმოებულ პირბადეებთან დაკავშირებით აჟიოტაჟი გაუგებარია, რადგან მას ძალიან სერიოზული ორგანიზაცია ამოწმებს - ამის შესახებ ლუგარის ლაბორატორიის ბიოუსაფრთხოებისა და განსაკუთრებით საშიში პათოგენების დეპარტამენტის უფროსმა, შოთა ცანავამ განაცხადა.

ცანავას თქმით, პირბადის დამზადების უფლების მოპოვებაზე 100-ზე მეტი მიმართვაა ლაბორატორიაში შესული. მაგრამ სანამ ყველა არ შემოწმდება და არ დადგინდება, რომ ვარგისია და აკმაყოფილებს სტანდარტებს, ისე ნებართვის გაცემა არ ხდება.

„არ ვიცი შეიძლება არ მოსწონს ვიღაცას ფერი, ზომა, არ მოსწონს სტრუქტურა, ეს ყველას ნებაა შეაფასოს. მე თუ მოვიყვან ცოლს და ის არ მოეწონება ჩემს მეზოლებს ან ჩემს ბიძაშვილს, ეს არაფერს არ ნიშნავს. მე ვარჩევ, მე ვიცი როგორი უნდა იყოს. იქ ფასზეც იყო ლაპარაკი და ა.შ. აქ მთავარია, იყოს უსაფრთხო, დაგვიცვას და შეასრულოს თავისი ფუნქცია. პირბადეების დანიშნულება უპირველესი არის ის, რომ იყოს უსაფრთხო. ამ ვირუსისგან დაცვის მაღალი დონე ჰქონდეს, ეს არის პირველი მოთხოვნა. მეორე ის უნდა იყოს ადვილად მოხმარებადი. დაავადებათა კონტროლის ცენტრში უპირველესი ყურადღება ექცევა უსაფრთხოებას და ეს უსაფრთხოება სპეციალისტების მიერ ფასდება. სპეციალისტები მუშაობენ თავაუღებლივ“, – განაცხადა შოთა ცანავამ.