თბილისის პირველ საუნივერსიტეტო კლინიკას დღეს კორონავირუსისგან გამოჯანმრთელებული ორი პაციენტი დატოვებს.

კლინიკის დირექტორის განცხადებით, ორივე გამოჯანმრთელებული კლინიკას რამდენიმე საათში დატოვებს.

„დღეს მოვიდა უარყოფითი დასკვნა კორონავირუსზე ორ პაციენტზე და ორი პაციენტი რამდენიმე საათში დატოვებს კლინიკას. ცით, რომ ჩვენს კლინიკაში პირველი პაციენტი კრიტიკული კი არა, ტერმინალური შემოვიდა მარნეულ-ბოლნისის კლასტერიდან. ქალბატონის ზოგადი მდგომარეობა ამ ეტაპისთვის არის დადებითი. მინდა, ქვეყანას ვაუწყო, რომ გამოჯანმრთელებულია, ქალბატონი რამდენიმე საათში დატოვებს კლინიკას. ქალბატონი არა თუ კრიტიკული, მისი ზოგადი მდგომარეობა იყო ტერმინალური. ამ კლინიკის კედლებში ჩატარებული მკურნალობით, ქალბატონი გადარჩა და კორონავირუსის გარეშე ეწერება კლინიკიდან“ , – აღნიშნა რატიანმა.

ბოლო მონაცემებით, ქვეყნის მასშტაბით კოვიდ19-სგან 54 პაციენტია განკურნებული.