მეცნიერებათა, ინჟინერიისა და მედიცინის ნაციონალური აკადემიების თეთრი სახლისთვის გაგზავნილ წერილში საუბარია სახლში დამზადებულ პირბადეებზე, სადაც წერილის ავტორები საუბრობენ იმაზე, რომ სახლში გაკეთებული ნიღბების ეფექტურობის „შეფასება შეუძლებელია“ ამ დროისთვის.

იმის განსაზღვრა თუ რამდენად ეფექტურია ეს ნიღბები დამოკიდებულია იმაზე, თუ როგორ არის ის დამზადებული, პროდუქციის ხარისხი და როგორ ითვალისწინებს ხალხი სხვა გამაფრთხილებელ რეკომენდაციებს.

ჯერ-ჯერობით არ არსებობს რაიმე დასკვნა, რომელიც დადასტურებულად იტყვის, რომ სახლში დამზადებული ნიღბები მისაღებია ან პირიქით. ერთ-ერთ გამოუქვეყნებელ კვლევაში ეწერა, რომ სქელი პირბადე უფრო ეფექტურია, თუმცა აქვე უნდა აღინიშნოს, რომ სქელი ნიღბის შემთხვევაში შესაძლოა გართულდეს სუნთქვა. თუ პირი, რომელიც თავის დაცვას ცდილობს გაოფლიანდება და ნიღაბი დასველდება, შესაძლოა ამან ხელი შეუწყოს ვირუსების გავრცელებას და სწორედ პირბადე გახდეს ინფიცირების წყარო.