ჯონს ჰოპკინსის უნივერსიტეტის მონაცემებზე დაყრდნობით „სიენენი“ გამოჯანმრთელებულთა შესახებ განახლებულ ინფორმაციას ავრცელებს.

გამოცემის ცნობით, მთელ მსოფლიოში ახალი კორონავირუსისგან უკვე 330 000 ადამიანი განიკურნა.

ჰოპკინსის უნივერსიტეტის მონაცემების მიხედვით, გამოჯანმრთელებულთა რაოდენობით ჩინეთი ლიდერობს, სადაც „კოვიდ-19“-ისგან 77 000 ადამიანი განიკურნა. ჩინეთის შემდეგ ესპანეთი მოდის. ესპანეთში ინფექციისგან 48 000 ადამიანი გამოჯანმრთელდა. გერმანიაში ვირუსი 46 000 ადამიანმა დაამარცხა, ირანში კი 29 000-მა.