აშშ-ში კორონავირუსის გავრცელება მასშტაბურად იზრდება-ქვეყანაში ინფიცირებულთა და გარდაცვლილთა რაოდენობის მხრივ ყოველდღიურად ახალი ანტირეკორდები ფიქსირდება.

გასული 24 საათის განმავლობაში აშშ-ში კოვიდ 19-ისგან გარდაცვლილთა რაოდენობამ 1900-ზე მეტი ადამიანი შეადგინა, ინფიცირებულთა რიცხვი კი 30 000-მდეა. საერთო ჯამში ამერიკის ტერიტორიაზე უკვე 14 797 ადამიანი შეეწირა ვირუსს. დაინფიცირების 435 160 შემთხვევა აღინიშნა.

საავადმყოფოებში კრიტიკულ მდგომარეობაში მყოფთა რაოდენობა ამ დროისთვის 9279-ია, რომელთაგან უმრავლესი მათგანი ხელოვნური სუნთქვის აპარატზეა მიერთებული.

ნიუ-იორკის გუბერნატორის, ენდრიუ კუომოს თქმით, ერთ დღე-ღამეში 779 ადამიანი დაიღუპა კორონავირუსისგან, რაც აღნიშნულ შტატში ფატალური შემთხვევების ანტირეკორდია.

მკვლევარების თქმით, ამ დრომდე არ დამდგარა პიკი, რომელიც არსებული ტენდენციის გათვალისწინებით, იქნება უახლოეს დღეებში კორონავირუსის გავრცცელების მხრივ აშშ-ში.