გერმანიაში მორწმუნეების მიერ შეტანილი საჩივარი სასამართლოებმა არ გაითვალისწინეს და კორონავირუსის პანდემიის ფარგლებში დაწესებული შეკრების აკრძალვის გაუქმება არ დააკმაყოფილეს. გამოცხადებული შეზღუდვის თანახმად, მორწმუნეებს ეკრძალებათ აღდგომის დღესასწაულისათვის ეკლესიებში მისვლა და ქადაგებებზე დასწრება. ამის შესახებ ინფორმაციას გერმანული გამოცემა DEUTSCHE WELLE ავრცელებს.

საქმე ეხება ბერლინისა და ჰესეს ოლქებში კათოლიკური ჯგუფის თხოვნას, რომლებიც ითხოვნენ ულებას, აღდგომის დღესასწაულზე 50 კაციანი წირვა ჩაეტარებინათ.

პროტესტანტული ეკლესიის მღველმთავარმა, ჰეინრიხ ბედფორდ-შტორმმა განაცხადა, რომ ამჟამად ინფექციის გავრცელების შეჩერება არის უპირველესი ამოცანა ადამიანების გადასარჩენად. კათოლიკური ეკლესიის ეპისკოპოსის, რუდოლფ ვოდეროლზერმა განაცხადა, რომ ეკლესიიდან ვირუსის გავრცელება განხეთქილების გამომწვევი იქნება მორწმუნეთა შორის.

შეგახსენებთ, რომ კორონავირუსით გერმანიაში ყველაზე ცოტა ადამიანია გარდაცვლილი განვითარებულ დიდ სახელმწიფოთა შორის- აქ ინფიცირებულთა რაოდენობა 107 000-ს აღემატება, რომელთაგან ფატალური 2016 შემთხვევა აღმოჩნდა.