ამერიკის ალერგიისა და ინფექციური დაავადებების ეროვნული ინსტიტუტის დირექტორი სენსაციურ განცხადებას ავრცელებს. ენტონი ფაუჩის თქმით, ამერიკის რამდენიმე შტატში კორონავირუსის მსხვერპლთა უმეტესობა აფრო-ამერიკელები არიან. მისი განცხადებით, სამედიცინო ცენტრი ატარებს კვლევებს, რათა დადგინდეს ზუსტი მიზეზი აღნიშნული მოვლენისა, თუმცა იგი შესაძლო ფაქტორად დიაბეტს, ჭარბ წონასა და ასთმას ასახელებს.

ამ ფაქტს აგრეთვე გამოეხმაურა ამერიკის პრეზიდენტიც. აფრო-ამერიკელების კორონავირუსით გარდაცვალების ხშირი ფაქტები ჩიკაგო, ლუიზიანასა და მიჩიგანში აღინიშნა.

„არსებობს რეალური პრობლემა, რომელიც კორონავირუსით აფრო-ამერიკელების გარდაცვალებას ეხება. ვაკეთებთ ყველაფერს არსებულ საკითხში გასარკვევად და ჩვენი მოქალაქეების დასაცავად. ეს არის არაპროპორციული და გაურკვეველი. ისინი არასახარბიელო მდგომარეობაში იმყოფებიან, რაც სერიოზული შეშფოთების საგანია“- განაცხადა ფაუჩიმ.

შეგახსენებთ, რომ კორონავირუსის მთავარ ეპიცენტრს უკვე აშშ წარმაოდგენს, სადაც ინფიცირებულთა რაოდენობა 400 549-ს აცდა, ხოლო ფატალური შემთხვევების რაოდენობა 13 000-ს მიუახლოვდა. 10 000-მდე პაციენტი ამ დრომდე კრიტიკულ მდგომარეობაში იმყოფება, რომელთა უმრავლესი მათგანი ხელოვნური სუნთქვის აპარატზეა მიერთებული