COVID-19-ის პანდემიას ვერცერთი სოციალური ფენისა თუ პროფესიის წარმომადგენელი, პოლიტიკური თანამდებობის პირი, "ვარსკვლავი", ცნობილი თუ უცნობი პირი ვერ გადაურჩა. წარმოგიდგენთ კორონავირუსით დაინფიცირებულ სხვადასხვა VIP პირთა სიას.

პრინცი ჩარლზი - დიდი ბრიტანეთის 71 წლის ტახტის მემკვიდრეს COVID-19 25 მარტს დაუდგინდა.

მონაკოს პრინცი ალბერტი - კორონავირუსმა არც მეორე სამეფო საგვარეულოს წარმომადგენელი დაინდო. 62 წლის პრინც ალბერტს დაავადება 17 მარტს დაუდგინეს. მოგვიანებით სამეფო კარის წარმომადგენელმა განაცხადა, რომ მონაკოს პრინცი გამოჯანმრთელდა.

დიდი ბრიტანეთის პრემიერ მინისტრი ბორის ჯონსონი - 56 წლის პრემიერს კორონავირუსი 27 მარტს დაუდგინდა, 6 აპრილს იგი საავადმყოფოში გადაიყვანეს, ხოლო 7 აპრილს - რეანიმაციულ განყოფილებაში.

მეთიუ ჰენკოკი, ბრიტანეთის ჯანდაცვის მინისტრი - ჰენკოკსა და ჯონსოსნს კორონავირუსი ერთდროულად, 27 მარტს დაუდგინდა. თუმცა რამდენიმე დღეში იგი გამოჯანმრთელდა და სამსახურს დაუბრუნდა.

ბრიტანეთის პარლამენტის წევრი ნადინ დორისი - პირველი პარლამენტარი, რომელსაც კორონავირუსი დაუდგინდა. ამჟამად იგი გამოჯანმრთელდა და სამუშაოს დაუბრუნდა.

ევროკომისარი მიშელ ბარნიე - 69 წლის ფრანგ პოლიტიკოსს, საფრანგეთის საგარეო საქმეთ ყოფილ მინიტრს, ამჟამად ევროკომისარს სავაჭრო საკითხებში კორონავირუსი 19 მარტს დაუდგინდა.

ცნობილი ტენორი პლასიდო დომინგო - დომინგოს დაავადება 23 მარტს დაუდგინდა, მცირე ხნით საავადმყოფოში ყოფნის შემდეგ იგი ამჟამად სახლში მკურნალობს

BBC-ის ტელეწამყვანი ჯორჯ ალაგია - ალაგიას 2014 წელს ნაწლავის კიბო დაუდგინეს. მისი თქმით ამ დაავადებასტან შეგუებამ მას კორონავირუსთან ბრძოლა გაუადვილა. ტელეწამყვანი აცხადებს, რომ მას საშუალო დონის სირთულის დაავადება აქვს.

ენდი კოენი - ცნობილ ამერიკელ თოქ-შოუების წამყვანსა და პროდიუსერს 52 წლის ენდი კოენს ვირუსი 20 მარტს დაუდგინეს.

მსახიიობი ტომ ჰენკსი და მისი მეუღლე რიტა უილსონი - "ცნობილებს შორის" ვარსკვლავურ წყვილს კორონავრუსი პირველებს, 12 მარტს აღმოაჩნდათ. ისინი საავადმყოფოში გადაიყვანეს და ამჟამად ორივე განიკურნა.

კრისტოფერ ჰივიუ - კორონამ "სამეფო კარის თამაშებშიც" შეაღწია. ნორვეგიელ მსახიობს, რომელიც პოპულარულ სერიალში ტორმუნდ გოლიათთა მმუსვრელის როლს ასრულებს, ვირუსი 16 მარტს დაუდგინდა.

პროდიუსერი ჰარვი ვაინშტაინი - აშშ-ის სასჯელაღსრულებელი დაწესებულებების კავშირის წარმომადგენელმა ოფიციალურად განაცხადა, რომ სკანდალური პროდიუსერი მართლაც არის კორონავირუსით დაინფიცირებული.

მსახიობი იდრის ელბა - ბრიტანელმა მსახიობმა დაინფიცირების შესახებ 17 მარტს განაცხადა. მან თქვა, რომ თავს კარგად გრძნობს და მოსახლეობას სახლშ დარჩენისკენ მოუწოდა.

მსახიობი ოკლგა კირილენკო - უკრაინული წარმოშობის ფრანგ მსახიობს, "ჯეიმს ბონდის გოგონას" კორონავირუსი 15 მარტს დაუდგინდა.

მომღერალი Pink-ი - 4 აპრილს ცნობილმა მომღერალმა Pink-მა აშშ-ში მოითხოვა მისთვის დამატებითი ტესტი ჩაეტარებინათ COVID-19-ზე, იგი 4 აპრილს დაინფიცირდა. მან ასევე განაცხადა, რომ მის სამი წლის ვაჟს ჯეიმსონს ასევე ჰქონდა მსგავსი სიმპტომები.

ილუზიონისტი Dynamo - 2 აპრილს, შოუმენმა ასევე განაცხადა, რომ ის ინფიცირებულია.