არასამთავრობო ორგანიზაცია სექტორი 3-ისა და ფონდი პროდემოსის ინიციატივა სამოქალაქო მოძრაობა “შენმოქმედმა“ პროექტ “ჩართე”-სთან პარტნიორობით, წალკის მუნიციპალიტეტში 20 სოციალურად დაუცველ უფროსკლასელს ლეპტოპები გადასცა და მისცა წვდომა ინტერნეტთან.

კომპიუტერი და ინტერნეტი ყველა ოჯახს - სამოქალაქო მოძრაობა „შენმოქმედის“ ერთ-ერთი ინიციატივაა. ამ ინიციატივის ფარგლებში, „შენმოქმედი“ და „ჩართე“ ერთი მიზნით გაერთიანდნენ - დაეხმარონ იმ მოსწავლეებს, რომლებიც ტექნიკისა და ინტერნეტის არ ქონის გამო ვერ ახერხებენ სასწავლო პროცესში დისტანციურად ჩართვას.

“ჩვენ გვჯერა, რომ გლობალურ საფრთხესთან გამკლავება საზოგადოების ყველა წევრის, ყველა სექტორის ჩართულობითაა შესაძლებელი. სამოქალაქო მოძრაობის ერთ-ერთი მიზანია, რომ საქართველოს ყველა ოჯახში არსებობდეს კომპიუტერი და ინტერნეტი - ორი აუცილებელი ფაქტორი, რომელიც უზრუნველყოფს წვდომას განათლებასთან, ინფორმაციასთან, გვაძლევს შესაძლებლობას შევინარჩუნოთ კომუნიკაცია ოჯახის წევრებთან, მეგობრებთან და გარესამყაროსთან” - აცხადებენ სექტორი 3-ში.

"შენმოქმედში" ჩართვა შეუძლია ნებისმიერ მოქალაქეს, ბიზნესს, არასამთავრობო, საჯარო თუ საერთაშორისო ორგანიზაციას მეორეული ტექნიკის, ახალი ტექნიკის ან ფულადი დონაციით. ასევე, იმ ადამიანების იდენტიფიცერით, ვისაც დახმარება ყველაზე მეტად სჭირდება.

„შენმოქმედის“ შესახებ დეტალური ინფორმაცია იხილეთ აქ:
https://bit.ly/2UwL8Nf