მთელ მსოფლიოში პრეზერვატივის დეფიციტი იზრდება, რადგან კოროვირუსის პანდემიის ფონზე ზემოხსენებული პროდუქციის მწარმოებელი ქარხნები იხურება, რაც მიწოდების ქსელის სრულიად ჩამოშლას განაპიროებებს- განაცხადა მსოფლიოში კონტრაცეპტივების ყველაზე დიდმა და გავლენიანი კომპანიის ხელმძღვანელობამ, რომელმაც გააფრთხილა გაერო, რომ აღნიშნულ ფაქტს "დამანგრეველი" შედეგები მოჰყვება.

მალაიზიამ, რომელიც რეზინის მთავარი მწარმოებელია მსოფლიოში, გასულ თვეს მთელი ქვეყნის მასშტაბით საყოველთაო კარანტინი გამოაცხადა. აღნიშნული შეზღუდვების გამო ძლიერ დაზარალდა მალაიზიური კონტრაცეპტივების მწარმოებელი გიგანტი, “KAREX”-ი, რომელიც მსოფლიოში 5-იდან 1 პრეზერვატივს ქმნის. კომპანიის ხელმძღვანელობის თქმით, აპრილის თვეში ვარაუდობენ, რომ პროდუქციის წარმოება 200 მილიონით დაიკლებს.

კომპანიის აღმასრულებელმა დირექტორმა, გო მია კიტმა განაცხადა, რომ მსოფლიოს აშკარად ელოდება პრეზერვატივების დეფიციტი- „ეს უდიდესი გამოწვევაა, ჩვენ ვაკეთებთ ყველაფერს რაც შეგვიძლია. ეს მართლაც მნიშვნელოვანი პრობლემაა, რადგან პრეზერვატივი შეუცვლელი სამედიცინო საშუალებაა“.

„პრეზერვატივების დეფიციტმა შესაძლოა გაზარდოს დაუგეგმავი ფეხმძიმოებების რაოდენობა, რომელიც გამოიწვევს მძიმე სოციალურ შედეგებსა და შესაძლოა დემოგრაფიულ აფეთქებასაც კი. სავარაუდოა სახიფათო აბორტების რაოდენობის ზრდა და სქესობრივად გადამდები დაავადებების, მათ შორის შიდსის შემთხვევების მასშტაბური გაზრდა“ - განაცხადა “KAREX”-ის კომპანიის სპიკერმა.