ჩინეთის ქალაქ უხანში, საიდანაც მთელი მსოფლიოს მასშტაბით კორონავირუსის დაავადების გავრცელება მოხდა, გადაადგილებასა და მოგზაურობა შეზღუდვა მოიხსნა ქალაქის მოსახლეობისთვის. ტოტალური კარანტინი ცენტრალული ხელისუფლების გადაწყვეტილებით 76 დღიანი შეზღუდვის შემდეგ იმ ფონზე მოიხსნა, რომ აღნიშნულ ქალაქში დაავადების გავრცელებისა და ფატალური შემთხვევების რიცხვი უკვე რამდენიმე დღეა რაც არ ფიქსირდება. ქალაქში სრულადაა აღდგენილი სარკინიგზო და საავტომობილი ტრანსპორტი.

გასული 24 საათის მანძილზე ჩინეთში კორონავირუსისგან გარდაცვალების არც ერთი შემთხვევა არ აღნიშნულა, რაც უკანასკნელი თვეების განმავლობაში პირველად მოხდა.

შეგახსენებთ, რომ ვირუსის გავრცელების შესაჩერებლად მთავრობამ 2020 წლის იანვარში მიიღო უპრეცედენტო გადაწყვეტილება, რათა 11 მილიონიანი ქალაქი სრულ იზოლაციაში მოექცია. დაავადების გავრცელებიდან დღემდე, ჩინეთში 3300 ადამიანი დაიღუპა კოვიდ 19-ისგან. ინფიცირებულთა რაოდენობამ კი 81 740 შეადგინა.