თბილისის პირველი საუნივერსიტეტო კლინიკის ექიმის, ლევან რატიანის განცხადებით, კორონავირუსით ინფიცირებული ორი ორსულის ქალის მდგომარეობა დამაკმაყოფილებელია.

მისივე განმარტებით, დამაკმაყოფილებელია 13 წლის მოზარდის მდგომარეობაც.

„რაც შეეხება ორსულებს, მინდა, გითხრათ, რომ მათი მდგომარეობა ყველაზე კარგია. როგორც ქალბატონების, ისე ნაყოფის შეესაბამება ფიზილოგიურ პარამეტრებს. ბოლო რამდენიმე დღეა, არანაირი გართულება ამ ქალბატონებთან არ გამოვლენილა და იმედია, არც გამოვლინდება და როდესაც დადგება მომენტი ჯანმოს პროტოკოლის მიხედვით, რომ უნდა ავუღოთ ნაცხი, ავუღებთ ნაცხს და უარყოფითი შედეგის შემთხვევაში, გაეწერებიან ბინაზე. რაც შეეხება 13 წლის ბიჭუნას, ამ ეტაპზე მისი მდგომარეობა არის ძალიან კარგი, არანაირი გართულება, რაც ჰქონდა ის ჩივილებიც აღარ აქვს. იმედი გვაქვს, მასთანაც ასე წავა მდგომაროება და გაეწერება ჯანმრთელი და ბედნიერი ჩვენი კლინიკიდან“ , – დასძინა რატიანმა.