ბათუმში კორონავირუსის შიდა გავრცელების პირველი შემთხვევა დაფიქსირდა. ინფექცია დაუდასტურდა 60 წლამდე ქალს, რომლის ინფიცირების წყარო და კონტაქტები უცნობია.

როგორც აჭარის ჯანდაცვის მინისტრის მოადგილემ, ნინო ნიჟარაძემ აღნიშნა, ინფიცირებულს აღენიშნება ორმხრივი პნევმონია, თუმცა მისი მდგომარეობა ამ დროისთვის არ არის მძიმე.

„ინფიცირებული ცხელების ცენტრამდე მუცლის ტკივილითა და დიარეით მივიდა სხვა კლინიკაში, ემერჯენსის განყოფილებაში მოგეხსენებათ არის საგანგებო სიტუაცია და მედპერსონალი იყო ეკიპირებული, მაგრამ კლინიკის ხუთი თანამშრომელი კარანტინში, ორი კი თვითიზოლაციაში გადავიდა. ინფიცირებული იმყოფებოდა ასევე ქობულეთის ერთ-ერთ სოფელში, ბუნებრივია არ დავასახელებ, რადგან იქ მიმდინარეობს კონტაქტების იდენტიფიკაცია“, – განაცხადა ჯანდაცვის მინისტრის მოადგილემ ნინო ნიჟარაძემ.