ბრონქსის პოლიციამ მიიღო შეტყობინება, რომ დანითა და იარაღით შეიარაღებული მამაკაცი ვენჩესტერის ბაღში გადაადგილდებოდა. როდესაც ოფიცრები ადგილზე მივიდნენ, მამაკაცმა იარაღი პოლიციისკენ მიმართა და მიუხედავად პოლიციის არაერთი მოთხოვნისა, ის მაინც სამართალდამცავების მიმართულებით შეიარაღებული გადაადგილდებოდა.

როგორც ირკვევა მამაკაცი ყვიროდა, რომ მას კორონავირუსის ტესტმა დადებითი პასუხი აჩვენა, ამასთნ ის ჭარბწონიანი და დიაბეტით იყო დაავადებული. როგორც ერთ-ერთი ოფიცერი აღნიშნავს, მამაკაცი ამბობდა, რომ ნებისმიერ შემთხვევაში მოკვდებოდა და უნდოდა ეს პოლიციის ოფიცერს გაეკეთებინა.

როგორც ნიუ იორკის პოლიცია იტყობინება, ჯამში 10 ტყვია ისროლეს სამართალდამცავებმა, ხოლო 1 შეიარაღებულ პირს მოხვდა ფეხის არეში. მისი მდგომარეობა ამჟამად სტაბილურია. უცნობია 55 წლის მამაკაცი ინფიცირებულია თუ არა კორონავირუსით.