რა წერია მთავრობის 221-ე დადგენილებაში და ვის ევალება კომპანიების მონიტორინგი?

COVID-19 - 11:34, 07 Apr, 2020

806

რა წერია მთავრობის 221-ე დადგენილებაში, რომელიც ქვეყანაში COVID-19-ის ეპიდემიის გამო დაწესებული ეკონომიკური შეზღუდვების მონიტორინგის პროცედურაა აღწერილი.

დოკუმენტის მიხედვით, COVID-19-ის პრევენციისთვის დაწესებული შეზღუდვების აღსრულების მონიტორინგს როგორც - ჯანდაცვის, ასევე ეკონომიკის სამინისტროები განახორციელებენ.

კომპანიების შემოწმების უფლება აქვს:

“ეკონომიკური საქმიანობის განხორციელების დროს, სამუშაო ადგილებზე საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს რეკომენდაციების შესრულებაზე მონიტორინგს ახორციელებს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტი ან/და საქართველოს ეკონომიკისა და მდგრადი განვითარების სამინისტროს საჯარო სამართლის იურიდიული პირი – ტექნიკური და სამშენებლო ზედამხედველობის სააგენტო, აგრეთვე, ამ მუხლის პირველი პუნქტით გათვალისწინებული უწყებები.

საქართველოს პრეზიდენტის დეკრეტით ან/და ამ დადგენილებით გათვალისწინებული ვალდებულებების დარღვევისათვის, კომპეტენციის ფარგლებში, რეაგირებას ახორციელებენ ამ მუხლის პირველი და 11 პუნქტებით გათვალისწინებული უწყებების უფლებამოსილი პირები. თუ შესაბამისი სამართალდარღვევა ადმინისტრაციულ გამოკვლევას არ საჭიროებს, აღნიშნული უწყებების უფლებამოსილი პირები ადმინისტრაციული სამართალდარღვევის საქმეს ადგილზე განიხილავენ და სამართალდამრღვევს ადგილზევე შეუფარდებენ ადმინისტრაციულ სახდელს, საქართველოს კანონმდებლობით დადგენილი წესის შესაბამისად,” - ნათქვამია დადგენილებაში.