ახალი კორონავირუსის წინააღმდეგ მსოფლიო კვლავ განაგრძობს ბრძოლას. დღეს ჩინეთიდან ერთი პოზიტიური ამბავი გავრცელდა. როგორც ჩვენთვის ცნობილია, პირველად იანვრის შემდეგ ჩინეთში ბოლო 24 საათის განმავლობაში კორონავირუსით არავინ გარდაცვლილა. მათ 32 ახალი შემთხვევა დაემატათ და ამჟამად 1 242 აქტიური შემთხვევა აქვთ, საიდანაც კრიტიკულ მდგომარეობაში 211 ადამიანი იმყოფება.

ამერიკის შეერთებულ შტატებში კი დაფიქსირდა 646 ახალი შემთხვევა. ჯამში აშშ-ში 367 650 დადასტურებული შემთხვევაა, საიდანაც გარდაცვლილია 10 943 ადამიანი. ბოლო 24 საათში აშშ-ში 72 ადამიანი გარდაიცვალა.

კიდევ ერთი პოზიტიური ინფორმაცია ევროპიდან, კერძოდ ესპანეთში, იტალიაში, გერმანიაში, შვეიცარიაში, ბელგიაში, ჰოლანდიაში, პორტუგალიაში, შვედეთში, ნორვეგიაში, საფრანგეთში, დიდ ბრიტანეთსა და ევროპის კიდევ რამოდენიმე ქვეყანაში ახალი კორონავირუსის შემთხვევა და გარდაცვალება ბოლო 24 საათში არ ფიქსირდება.

ამ დროისთვის ესპანეთში 136 675 დადასტურებული შემთხვევაა, იტალიაში 132 547, გერმანიაში 103 375, საფრანგეთში 98 010, დიდ ბრიტანეთში 51 608, შვეიცარიაში 21 657, საიდანაც ესპანეთში გაჯონამრთელებულია 40 437 ადამიანი, იტალიაში 22 837, გერმანიაში 36 081, საფრანგეთში 17 250, დიდ ბრიტანეთში 135, შვეიცარიაში 8 056.