თბილისის ინფექციური საავადმყოფოში მოთავსებული, კორონავირუსით ინფიცირებული ახალი პაციენტის მდგომარეობა მძიმე არ არის. ინფორმაცია მედიას კლინიკის სამედიცინო დირექტორმა, მარინა ეზუგბაიამ მიაწოდა.

პაციენტს სრულყოფილი გამოკვლევა დღეს ჩაუტარდება. პაციენტი ამ დრომდე საკარანტინო სივრცეში იმყოფებოდა.

„ახალი პაციენტი გუშინ გვიან შემოვიდა ჩვენთან ცენტრში. პირველადი ანალიზებით, ზოგადი მდგომარეობა არ არის მძიმე, დღეს გაუკეთდება სრული კვლევები და შევაფასებთ მის მდგომარეობას. რისკჯგუფში არ შედის. ის იმყოფებოდა საკარანტინო სივრცეში“ ,- თქვა ეზუგბაიამ.

საქართველოში სულ ლაბორატორიულად დადასტურებული კორონავირუსის 195 შემთხვევაა დაფიქსირებული, მათგან 39 გამოჯანმრთელებულია, ორი კი გარდაცვლილი.