ჩრდილოეთ კორეის ლიდერის - კიმ ჩენ ინის დეიდამ კო ენ სოკმა პლიტიკური თავესაფარი მიიღო აშშ-ში, სადაც უკვე 10 წელზე მეტია ცხოვრობს, იტყობინება გაზეთი „ჩუნან ილბო“.

კო ენ სოკი, 1996 წელს, დისშვილთან ერთად, რომლისთვისაც უნდა მოევლო, შვეიცარიაში გაემგზავრა. კორეის ახალხო-დემოკრატიული რესპუბლიკის მომავალი ხელმძღვანელი ამ დროს ბერნში საერთაშორისო სკოლაში სწავლობდა. ორი წლის შემდეგ კიმ ჩენ ინის დეიდა გაუჩინარდა და მისი ბედის შესახებ არაფერი ისმოდა.

გაზეთის ცნობით, კო ენ სოკმა და მისმა მეუღლემ, 1998 წელს, ჟენევაში აშშ-ს საელჩოში პოლიტიკური თავშესაფარი ითხოვეს. ვაშინგტონიდან ნების დართვის შემდეგ, ცოლ-ქმარი გადავიდა ფრანკფურტში, ხოლო შემდეგ - აშშ-ში.

როგორც გამოცემას ცენტრალური სადაზვერვო სააგენტოს წყარომ შეატყობინა, ცოლ-ქმარს პლასტიკური ოპერაცია გაუკეთეს და აჟამად მოწმეთა დაცვის პროგრამის დაცვის ქვეშ იმყოფებიან.