პირველი საუნივერსიტეტო კლინიკის დირექტორმა, ლალი ტურძელაძემ განაცხადა, რომ კორონავირუსით ინფიცირებულ მედპერსონალს კონტაქტი ჰქონდათ 81 წლის მძიმე პაციენტთან, რომელიც გუშინ გარდაიცავალა.

მისი თქმით, ეს ორი ინფიცირებული ახალგაზრდა საუნივერსიტეტო კლინიკაში თბილისის ზღვის ჰოსპიტლიდან გადაიყვანეს.

„მათი თქმით, ყველა სტანდარტს იცავდნენ, ეკიპირებაც ზუსტად ჰქონდათ შესრულებული, ყველა წესის დაცვით, მაგრამ მაინც მოხდა დაინფიცირება. ალბათ, მცირედ მაინც დაირღვა რაღაც წესი, თუმცა ამბობენ, რომ ყველა წესი დაცული ჰქონდათ. დაინფიცირებული მედპერსონალი ექთნის თანაშემწეები არიან და მათ მოვალეობას ასრულებდნენ აღნიშნულ პაციენტთან, მაგრამ ვერ გეტყვით რა წესი დაირღვა, რადგან ისინი ამას არ ამბობენ“ - განაცხადა ლალი ტურძელაძემ.