ბათუმში, კლინიკა „მედალფას“ სამი გამოჯანმრთელებული პაციენტი დღეს დატოვებს. აჭარის ჯანდაცვის მინისტრის ზაალ მიქელაძის განცხადებით, მათი განმეორებითი ანალიზების პასუხები უარყოფითია.

„რამდენიმე წუთის წინ გახდა ცნობილი მეორე ტესტის შედეგი, სამი პაციენტი კლინიკურად ჯანმრთელია და დღეს დატოვებს კლინიკას“, – განაცხადა ზაალ მიქელაძემ.

კლინიკა „მედალფაში“ სამი გამოჯანმრთელებული პაციენტის გასვლის შემდეგ ცხრა ინფიცირებული დარჩება.

ამ დროისთვის, კორონავირუსის ​188 დადასტურებული შემთხვევიდან ამ დროისთვის 36 პაციენტია გამოჯანმრთელებული.