ქვემო ქართლის გუბერნატორის, შოთა რეხვიაშვილის განცხადებით, ქართლში კორონავირუსის ორი ახალი ფაქტი დადასტურდა.

მისი თქმით, ერთი ფაქტი არის გარდაცვლილი ქალბატონის მეუღლე 87 წლის, ისიც ქვემო ბოლნისიდანაა. მისი ინფიცირება კი ოჯახურ კლასტერს უკავშირდება.

„როგორც ვიცი, მას ქრონიკული დაავადებებიც აქვს. მეორე არის მარნეულელი ქალბატონი სოფელ კირაჩმუღანლოდან. ეს არის სოფელი აზერბაიჯანის სახელმწიფო საზღვართან ახლოს. როგორც ფიქსირდება მას 13 მარტიდან აქვს კვეთა აზერბაიჯანიდან სასაზღვრო კვეთა. შემდეგ იყო დაკვირვების ქვეშ. მასთან გამოვლენილია 25 კონტაქტი. რუსთავში მატება არ გვაქვს. ვინც გადის მკურნალობას ნორმალური დინამიკით მიდის პროცესი. იზოლაციაში მყოი ადამიანებს მე-12 დღეა დაავადების არანაირი სიმპტომი არ აქვთ. ჩვენ მხარეში გვაქვს ცხრა ჰოსპიტალური ტიპის სამედიცინო დაწესებულება და მათ შორის ერთი ბავშვთა საავადმყოფო. 60 სასუნთქი აპარატია. 68 ბოქსია. 98 საწოლია ცხელების შემთხვევაში და 487 საწოლი სრულად რესურსი ჩვენი კლინიკების. სრულად მზად ვართ, თუ იქნება მომართვიანობა, მედპერსონალმა გაუძლოს“, – განაცხადა შოთა რეხვიაშვილმა.