პირველი საუნივერსიტეტო კლინიკის კლინიკური დირექტორის, ლალი ტურძელაძის განცხადებით, კლინიკაში გუშინ გარდაცვლილი 81 წლის ქალბატონის დაინფიცირების წყარო ამ დრომდე უცნობია.

მისი განმარტებით, ქალბატონის შვილიშვილის ტესტის პასუხი, რომელსაც სამი კვირის წინ ცხელება და სუნთქვის გაძნელება აღენიშნებოდა, უარყოფითია.

„ცხვირ-ხახის ტესტი იყო უარყოფითი, მაგრამ ლუგარის ლაბორატორიაში დაეჭვდნენ ტესტის ბოლომდე უარყოფითობაში და მოგვთხოვეს დამატებითი კვლევა, სეროლოგიური რეაქცია ანტისხეულების შესამოწმებლად, იყო თუ არა გადატანილი, თუ გადატანილია იქნება G ფორმა, ჩავთვლით, რომ მისგან გადაედო ბებიას“, – განაცხადა ლალი ტურძელაძემ.