კორონავირუსის გავრცელების მიუხედავად რუსეთში სამხედრო გაწვევა არ შეჩერდება- სამხედროების მიღება დისტანციურ რეჟიმში მოხდება

მსოფლიო - 12:41, 06 Apr, 2020

931

რუსეთის თავდაცვის სამინისტრომ კორონავირუსის მასშტაბური გავრცელების გამო, სამხედრო კომისარიატები დისტანციურ სამუშაოზე გადაიყვანა. ამის შესახებ ინფორმაციას LENTA.RU ავრცელებს. სააგენტოს ინფორმაციით, სამხედრო კომისარიატების ყველა თანამშრომელი დისტანციური მუშაობის რეჟიმზეა გადაყვანილი.
ყველა საჭირო და აუცილებელი ინფორმაციის დაზუსტება ხორციელდება ტელეფონით, რათა გამოირიცხოს პირადი ვიზიტები სამხედრო სარეგისტრაციო უწყებებში. ამ ფორმით თავდაცვის უწყების თქმით, მათ სურთ, რომ სამინისტროს თანამშრომელთა ინფიცირების რისკები მინიმუმამდე დაიყვანონ.

30 მარტს რუსეთის პრეზიდენტმა, ვლადიმერ პუტინმა ხელი მოაწერა ბრძანებას 1 აპრილიდან ჯარში ახალწვეულების გაწვევის დაწყების შესახებ. არმიაში მიღება გაგრძელდება 15 ივლისამდე. 1 აპრილიდან 135 000 ახალწვეულს მიიღბენ მთელი რუსეთის მასშტაბით.

შეგახსენებთ, რომ რუსეთში კორონავირუსით ინფიცირებულთა 5389 შეთმხვევა ფიქსირდება, რომელთაგან 45 ფატალური აღმოჩნდა. 355 ადამიანი უკვე გამოჯანმრთლდა დაავადებისგან და უმრავლესი მათგანი საავადმყოფოებიდან გაწერეს.