ავსტრალიის მონაშის უნივერსიტეტის ბიომედიცინის ინსტიტუტის თქმით ანტი-პარაზიტული წამალი ივერმექტინი შესაძლოა ლაბორატორიულ გარემოში კორონავირუსს, SARS-CoV-2-ს 48 საათში კლავდეს.

მონაშის უნივერსიტეტი პეტერ დოერტის იმუნიტეტისა და ინფექციის ინსტიტუტთან ერთად აწარმოებს კვლევას.

ივერმექტინს ამერიკის წამლის და საკვების ადმინისტრაცია ანტი-პარაზიტულ წამლად მიიჩნევს. წამალი გამოყენებულია ისეთი ვირუსების წინააღმდეგ, როგორიცაა აივ ვირუსი, დენგეს ციებ-ცხელება, ეპიდემიური გრიპი - ინფლუენცა და ზიკა.

კვლევის მიხედვით წამლის ერთმა დოზამ შესაძლოა SARS-CoV-2-ის უჯრედებში ზრდა ორ დღეში შეაჩეროს.

„ჩვენ გამოვარკვიეთ, რომ ერთჯერად დოზასაც კი შეუძლია არსებითად გაანადგუროს ყველა ვირუსული რიბონუკლეინის მჟავა 48 საათში და 24 საათში ჩვენ დავინახეთ ნამდვილად შესამჩნევი დაპატარავება [ვირუსის].“ - მონაშის ბიომედიცინის ინსტიტუტის მეცნიერის დოქტორ კილი ვაგსტაფი.

ჯერ-ჯერობით დაზუსტებული არ არის გამოიყენებენ თუ არა მედიკამენტს კოვიდ-19-თან საბრძოლველად, რადგან ჯერ არაერთი ტესტი უნდა ჩაუტარდეს წამალს. მიუხედავად იმისა, რომ ლაბორატირიაში წამალმა კარგად იმუშავა, საჭიროა იმის გამოკვლევა, თუ რამდენად ეფექტური იქნება ივერმექტინის მოქმედება ადამიანებში.