"ყოველ კვირას, ჩემს მეგობრებთან ერთად, გურიაში ჩავალ და სამ სოციალურად დაუცველ ოჯახს დავეხმარებით საკვები პროდუქტებით"

"ყოველ კვირას, ჩემს მეგობრებთან ერთად, გურიაში ჩავალ და სამ სოციალურად დაუცველ ოჯახს დავეხმარებით საკვები პროდუქტებით" - გიორგი კეკელიძე

საზოგადოება - 15:53, 05 Apr, 2020

873

ეროვნული ბიბლიოთეკის დირექტორი გიორგი კეკელიძე სოციალურ ქსელში პოსტს აქვეყნებს. მან საზოგადოებას ახალი საქველმოქმედო აქციის დაწყების შესახებ ამცნო. როგორც კეკელიძე ამბობს, ის ყოველ კვირას გურიის სოფლებს ესტუმრება და სოციალურად დაუცველ ოჯახებს საკვები პროდუქტებით დაეხმარება.
"დღეს მოხალისეობა დავიწყე. ყოველ კვირას, ჩემს მეგობრებთან ერთად, გურიაში ჩავალ და სამ სოციალურად დაუცველ ოჯახს დავეხმარებით საკვები პროდუქტებით და პირველადი საჭიროების პროდუქციით. ამ საქმეს გურული დღიურების ფონდის დახმარებით გავაკეთებ და ცხადია, საკუთარ დანაზოგსაც აქეთ მივმართავ. ბუნებრივია, რომ ამ ადამიანების ფოტოებს არ გაჩვენებთ, მაგრამ მერწმუნეთ მათ ახლა ძალიან, ძალიან უჭირთ. ერთი მათგანი, მცირეწლოვნების დედა, მაღაზიაში ნისიის სათხოვნელად იყო წასული და აივნიდან ბავშვებმა გადამოგვხედეს. მე კიდევ ამ ხალხისგან ყველაზე დიდი და დაუბრუნებელი ,,ნისია" მაქვს აღებული - ამ მხარეში გავიზარდე - და ჩემი ვალია მცირედით მაინც შევიმსუბუქო ეს ტვირთი. მოხალისეობას დაავადებათა ცენტრის ინსტრუქტაჟით მივყვებით, სრული ეკიპირებით ვართ და ფუთებს შესაბამის ადგილას ვუტოვებთ. დედაჩემიც არ მინახავს და ვერც ვნახავ, სანამ ეს საფრთხეა.ყველაფერს მალე დავძლევთ, მაგრამ დავძლევთ ერთად!" - წერს გიორგი კეკელიძე.